msdMeclîsa Sûriyeya Demokratîk ji bo biryara Serokê Dewletên Yekbûyî yên Amerîkayê, Birêz Donald Trump, ya ji bo rawestandina sizayên li ser Sûriyê hatine ferzkirin, spasiya xwe ya mezin nîşan dide. Ku ev biryar nîşaneyên erênî hildigire, ku rasterast sûdê ji bo berjewendiya gelê Sûriyê dike. Her wiha Meclîs rola avaker a ku ji hêla Erebistana Siûdî û hejmarek aliyên herêmî yên çalak ve di piştgiriya hewildanên ji bo sivikkirina êşên mirovî û çareserkirina krîza Sûriyê de hatine lîstin, pir girîng dibîne.
Ev gav ji bo Sûriyan ên ku ji ber şer, dorpêçkirin û zextên aborî yên bi salan westiyabûn, ronîyek hêviyê nîşan dide. Her wiha deriyê hêviyê vedike ji bo sivikkirina êş û azaran û zêdekirina şansên çareseriyeke siyasî ya berfireh ku yekîtîya Sûrîyê û ewlehîya gelê wê bi hemû pêkhateyên wê garantî dike.
Meclîs hêvî dike ku ev pêşketin dê bibe gaveke girîng ber bi rastkirina rêgeha siyasî ve, ku pêvajoyeke veguhêz a berfireh û temamker misoger bike, ku temsîla hêviyên hemû pêkhateyên gelê Sûriyê bike û beşdarî avakirina dewleteke demokratîk, piralî, nenavendî û modern dibe, ku tê de aştî, aramî û serfirazî serdest be.
13ê Gulana 2025an
Meclîsa Sûriyeya Demokratîk
