msdDaxuyaniya ji Rêgeha Sûriyeya Demokratîk hatiye derxistin
Li gel geşedanên bilez li Sûriyê, ya herî dawî êrîşa Heyet Tehrîr El-Şam (HTŞ) û komên hevalbendên wê ji Idlibê, êrîşa herêmên Helebê û pêşveçûna wan ber bi Hemayê ve, ji ber kêmbûna hêzdariya Îranê û lawazbûna bandora Rûsiya di encama şerê Ukraynayê de, em xwe li ber qonaxeke krîtîk dibînin ku aramiya neteweyî dixe bin gefê û êşa gelê Sûriyê zêdetir dike.
Em di Rêgeha Sûriya Demokratîk de, di wê baweriyê de ne ku rejîm berpirsyarê yekem e, ji tiştên ku heta niha qewimîne û yên dibe ku werin qewmandin, bi taybet bi berdewamiya redkirina wî ji çareseriya siyasî re. Her wiha em kêfxweşiya koçber û penaberên Sûrî li her derê ji cîhanê ji hêviya vegera wan bo malên xwe têdigihêjin. Her wiha divê ev yek ji aliyê ti aliyên siyasî yên navxweyî û herêmî ve neyê bikaranîn.
Li ser bingeha berpirsiyariya xwe ya neteweyî û mirovî, em van xalan tekez dikin:
1- Parastina sivîlan û rawestandina armanckirina wan: Parastina sivîlan girîngiya yekem e û em hemû aliyan vedixwînin ku pabendiya yasayên navdewletî bikin, ku jiyana rûniştvanên xwecihî biparêzin. Berdewamiya nakokiyên leşkerî û armanckirina sivîlan xizmeta berjewendiyên rejîmê û hevalbendên wê dike, bi taybet Îran, ku hewl dide va nakokiyê ji bo dirêjkirina kirîzê û pêkanîna armancên xwe yên herêmî, bikar bîne.
2- Derxistina hêzên leşkerî ji bajaran: Em daxwaz dikin ku ti hêzeke leşkerî li Helebê, bajar û bajarokên din nemîne û rêvebirî û ewlehiya wan ji xelkên wan re bê hiştin. Divê sivîl bên parastin, daku nekevin nav êgir û pêşî li dûbarekirina trajediyên berê bê girtin.
3- Redkirina çareseriyên leşkerî û aloziyê: Em redkirina xwe ji her çareseriyên leşkerî yên ku alozî û nearamiyê gurtir dikin, ji ber ku ev bijarde tenê xizmeta ajendayên derve dikin û ne di berjewendiya gelê Sûriyê de ne, yê ku hêjî berdêlên herî giran dide.
4- Diyaloga Sûrî-Sûrî weke alternatîfa çekan e: Em banga destpêkirina insiyatîfa neteweyî ji bo diyaloga Sûrî-Sûrî wekî rêgeheke alternatîf ji şer û gurkirina leşkerî re dikin. Diyaloga li ser yek maseyê, tekane rêya pêkanîna aramiyê û danîna bingehên Sûriyeya paşerojê.
5- Pêwîstiya çareseriyeke siyasî ya giştî: Em tekeziya li ser cîbicîkirina biryara 2254 ya Netewên Yekbûyî daxwaza dikin, wek çarçoveyek ji bo çareserkirina kirîza Sûriyê di bin çavdêriya Netewên Yekbûyî de û bi beşdariya hemû aliyên Sûriyê. Ku rejîm berpirsê rewşa heyî ye, ji ber ku çareseriya siyasî red dike.
6- Piştevaniya penaberan di şert û mercên mirovî yên giran de: Di rewşa sermaya dijwar de, em zêdetirî 120 hezar penaberên herêmên Şehba li çolan dibînin. Em banga civaka sivîl û rêxistinên mirovî dikin, ku bi lezgînî destwerdanê bikin daku piştevaniya pêwîst ji wan re pêşkêş bikin û mafê wan ê jiyanek bi rûmet û dûrî trajediyên mirovî yên dubarekirî misoger bikin.
7- Hevgitina neteweyî ji bo rêgirtina li dubendiyê: Em banga hevgirtina hemû pêkhateyên gelê Sûriyê dikin, parastina aramiya navxweyî li herêmên wekî Heleb û Şehba ku hertim bûne nimûneya jiyana hevbeş di navbera pêkhateyên cûrbicûr de.
8- Banga jibo civaka navdewletî: Em daxweza civaka navdewletî dikin, ku berpirsiyariyên xwe li hember gelê Sûriyê bigire ser milê xwe, her wiha destwerdana ji bo rawestandina aloziyê û rêgirtina li pêşiya her guhertineke demografî ya bi darazorê û jinavbirina nijadî bike.
Di dawiyê de, em tekez dikin ku berdewamiya şerê leşkerî xizmeta rejîmê û hevalbendên wê dike û êşa Sûriyan dirêj dike. Em piştgiriya her kedeke, ku ji bo sarkirina atmosfera di navbera Bakur-Rojava û Bakur-Rojhilatê Sûriyê de dikin û zêdekirina têgihiştin û hemahengiyê ji bo pêkanîna yekitiya Sûriyê û bidawîkirina stemkariyê, destpêkek ji bo avakirina dewleteke demokratîk, ku mafên hemûyan biparêze.
Sekretariya Giştî ya Rêgeha Sûriyeya Demokratîk
2 Çile 2024
Add comment