msdXebatên civîna diyaloga jinên Sûriyê ku ji aliyê Kombenda Çandî ya Helebê ve tê organîzekirin, îro Înê 28ê Cotmehê bi sernavê “Jin û Veguhestina Demokratîk li Sûriyê” li taxa Şêx Meqsûd a bajarê Helebê dest pê kir.
Girseyeke fireh ji kesayetiyên femînîst ên sûrî ji bo gotûbêjkirina çend mijaran civiyan, bi taybet nasnameya niştimanî ya Sûriyê ya berfireh û rola jinên Sûriyê di veguhertina demokratîk ber bi nenavendîbûnê de, bi beşdariya zêdetirî 55 kesayetiyên femînîst ji parêzgeh û herêmên Sûriyê yên cihê, ligel beşdarbûna hevseroka Meclisa Sûriya Demokratîk Emîna Omer û Nûnera hevrêziya ofîsên Jinan yên MSD Menal Hec Elî û nûnerên partiyên siyasî û xebatên jinan.
Civîn bi xêrhatina rêveberiya hevbeş a Kombenda Çandî ya Helebê Leyla Xalid dest pê kir û tê de behsa giringiya vê civînê ji ber rewşa siyasî, aborî û civakî û rewşa aloz li Sûriyê û encamên wê li ser hemû pêkhateyan kir.
Wê di berdewamiya axaftina xwe de got: “Ciwazî û nakokiyên navneteweyî di nasnameyê de xuya dibin û rê û xebata li ser lihevhatina niştimanî dişkînin, ku nakokiyên di nav welat de gurtir dike, û ev yek di kirîza Sûriyê de diyar bû, ji ber vê yekê em wek desteyek çandî, ji bo bihêzkirina eniya navxweyî û lawazkirina argumana destwerdanên derve, biryar hat dayîn ku ev civîn were lidarxistin û mijarên avahî û bingehîn werin nîqaşkirin.”
Leyla bal kişand ser nêrîna jinê ya pêşeroj û rola wê ya dîrokî di avakirina nasnameya neteweyî de û got, “Di serdema me ya îroyîn de jin ji avakirina nasnameyên neteweyî nayên dûrxistin. Armanca vê civînê vegerandina dîrokê li ser rêya xwe ya xwezayî ye. rola jinê ya dîrokî û pêşengiya civakê.”
Karê dîyaloga jinan dê du rojên li pey hev berdewam bike, tê de dê li ser yekkirina nasnameya niştimanî ya Sûrî, û rola jinan di veguhertina dîmuqratî de ber bi nenavendîbûnê ve biaxivin.
Hêjayî bibîrxistinê ye ku Kombenda Çandî ya Helebê di 5-6ê Tebaxê de Civîna Şêwirmendiya Helebê lidar xist, têde 35 delege û kesayetî ji parêzgehên cuda yên Sûriyê, di nav de rewşenbîr, nivîskar, siyasetmedar û dîplomat, tevî nûnerên hejmarek ji rêxistinên hêzên niştimanî yên demokratîk, beşdar bûn.
