msdÎro, Pêncşemê, 21’ê Tîrmehê, Buroya Jinê ya Meclisa Sûriya Demokratîk, dehemîn salvegera destpêkirina şoreşa 19’ê Tîrmehê bi bîr anî, ku ev şoreşa dirêjkirina şoreşa Sûriyê li herêmên Bakur û Rojhilatê Sûriyê bû, bi berxwedana Kobanê ji bajarê Kobanê dest pê kir û bajar û bajarokên cuda yên Rojava, Bakur û Rojhilatê Sûriyeyê li xwe girt.
Ev yek hat bi riya semînerekê ku Meclisê li hola civînan a bajarê Reqayê li dar xist, ji aliyê komek jinên siyasetmedar, nûnerên partiyan, rewşenbîr û endamên payebilind ên gelek saziyên bajêr ve hate gotin.
Meclisê destnîşan kir ku vê şoreşê gelek destkeftî bi dest xistine ku ya herî girîng xwedîderketina li gelên herêmê û hemû mezheb, netewe û pêkhateyên wan ên biryarê û bidestxistina mafê azadî û derbirînê ye, bi rêbazeke demokratîk û hevgirtina wan ji bo têkbirina hêzên tundrew û terorê û çûna ber bi avadankirinê re li kêleka rizgariyê bi avakirina pêkhate û saziyan ku bi ragihandina Rêveberiya Xweser û xwerêveberiya gel bi xwe bi dawî bibe û ezmûnek pêşketî di rêveberinê de peyda bike.
Meclisê herwiha destnîşan kir ku bi helkefta derbasbûna salvegera şoreşê re, hewldanên welatên piştgirê terorê ji bo têkbirina van destkeftiyan û têkbirina destkeftî û nirxên gelên Bakur û Rojhilatê Sûriyê û bi taybet ji aliyê dewleta Tirkiyê ve tê, endama Buroya Jinê ya Meclisa Sûriya Demokratîk Fatima El-Mihemed got: Şoreşê dikarîbû ji bo neteweya demokratîk li seranserê Rojhilata Navîn bibin nimûne. El Mihemed her wiha got, “Tirkiye ev demeke çeteyên xwe kom dike, çekên giran tîne û li dijî destkeftiyên gelê me seferber dike, ev yek jî rê li ber çareseriyê digire û temenê aloziya Sûriyeyê dirêj dike.”
El-Mihemmed bal kişand ser jinê û rola wê û got, “Çawa ku koletiya jinê kûrtirîn koletiyê ye, divê şoreşa jinê jî bibe şoreşa herî kûr a azadî û wekheviyê.” Wê nimûne gotin wek Arîn Mîrkan û Rîvana, ku bi operasyonên xwe yên fedayî kirin, bû sedemek ku jinên Şehba, Minbic, Heleb, Reqa, Tebqa û Dêra Zorê piştî rizgarbûna ji çeteyên DAIŞ’ê xwe birêxistin kirin û jinan di qadên cuda yên jiyanê de cih girtin. Di dawiya axaftinê de jinên amade beşdariya hemû pêkhateyên civakê di vê şoreşê de û pêwîstiya eşkerekirina destkeftiyên wê di demên cuda de nîqaş kirin, û derbasbûna wê pîroz kirin, û biryardarin ku destkeftiyên xwe bidomînin û daxwazên gel ji bo pirdengî, demokrasî û nenavendîbûnê bi cih bîne û rûbirûbûna hemî hewildanên dijminane, yên ku bîranîna wê derfet dibîne da ku lê bixe.
