msdSeroka Desteya Rêveber a Meclisa Sûriya Demokratîk Îlham Ehmed got ku Tirkiye ji bêdengiya navneteweyî sûd werdigire û li herêmên Sûriyê berfireh dibe û gelek bajar û gundên Sûriyê li bakurê Sûriyê dagir dike û bi awayekî sîstematîk guhertina demografiya . wan deverên Sûriyê dike.
Axaftina seroka desteya rêveber ya MSD`ê di dema gotarekê de li Foruma Diyaloga Navdewletî ya li ser “Efrîn di navbera dagirkeriya Tirkiyê û berjewendiyên navdewletî de” hat ku niha li herêmên Şehba li gundewarê bakurê Helebê tê lidarxistin, bi amadebûn û beşdariya kesayetiyên siyasî, mafên mirovan û akademîsyen ji welatên Erebî û Amerîkayê bi rêya zoom’ê.
Ehmed, reftarkirina welat û saziyên navdewletî bi mijara Efrînê re weke standardên dualî bi nav kir ku Tirkiyê li ser berfirehkirin, dagirkirin û pêkanîna tawanên guhertina demografîk li Bakurê Sûriyê li ber çav û guhên cîhanê pênase dike.
Wê bal kişand ser wê yekê ku Tirkiye kûrahiya çandî û nasnameya kurdî ya Efrînê dike armanc û got ku pirsgirêka Efrînê pirsgirêka hemû gelê Sûriyê ye.
Ehmed destnîşan kir ku welatên Yekitiya Ereban piştgirî û fînansekirina projeyên çareserkirin û berfirehkirina Tirkiyeyê yên li Efrînê dikin û banga nirxandina polîtîkayên Tirkiyeyê kir û got. “Di demekê de ku Komkara Erebî behsa alozkirina niştecihên Îsraîlê yên li Filistînê dike, Tirkiye bi piştevaniya welatên Erebî wargehan ava dike.”
Wê tekez kir ku em li dijî her aliyekî ne ku tawanan li dijî Sûriyan bike, û daxwaz kir ku rê li ber hemû aware, derbider û penaberên Sûriyê veke ku bi aramî vegerin warên xwe yên resen piştî bidawîkirina dagîrkerî û stemkariyê.
Seroka Desteya Rêveber a Meclisa Sûriya Demokratîk Îlham Ehmed di dawiya axaftina xwe de bang li şêniyên Efrînê kir ku xwedî li axa xwe derkevin û vegerin malên xwe yên li herêmên xwe.
