msdDuh şemiyê, Buroya Jinê ya Meclisa Sûriya Demokratîk duyemîn komxebata diyalogê li ser jinê û rola wê di pêşxistina civakê de li navenda xwe ya li Reqayê li dar xist, bi beşdariya endam û rêveberên meclisên jinan û Kombûna Jinan a Zenobiya li gundewarên başûr û rojhilatê Reqayê, bi armanca ku jinên gundan di civakê de bi hêz bike.
Komxebatê balkişand ser rola sereke ya jinan di pêşvebirina civakên kevnar û nûjen de û şiyana wê ya ji bo pêkanîna guhertinên erênî di wan civakan de, tê de endama Buroya Jinê Newroz Ebdulrehman li ser girîngiya aktîvkirina rola jinê û beşdarbûna wan di warên cuda de, bi taybetî civakî û siyasî.
Ebdulrehman wiha pê de çû: “Ji ber rewşa geşbûn û pêşketina ku civak dibînin, pêwîstiya me bi hemû hewldan û enerjiyên civakê heye, û eger em rola wan ya civakî bicemidînin, emê nîvê enerjiya civakê winda bikin, ji ber ku jin nîvê civakê ye.”
Rêvebera Nivîsgeha Jinê di Meclisa Sûriya Demokratîk de Zebiya El-Nasir di xala duyemîn de axivî li ser rola jinên gundan di çandinî, pîşesazî, leşkerî, dermankirin û karên din de.”
Ji aliyê xwe ve jî amadebûyan beşdarî kirin di pêşkêşkirina girîngtirîn zehmetî, astengî û kêşeyên li pêşiya jinan bûn, ji wan adet û nerîna nerênî li ser jinên kedkar, paşverûtî û çanda şermê û hevsengkirina kar, erkên malê û tenduristiya jinan.
Di dawiyê de jinên beşdar ev çalakî û sûdmendî û xwebaweriya mezin a ku bi dest xistine bilind nirxandin û ew ê ji erkên xwe yên di meclisên jinan de vê yekê derbasî nava jinên gundan bikin û ji bo semîner û civînên pêş de amade bin, da ku jin di aliyê civakî de bi hêz bikin û civakê pêş bixin, piştî bihêzkirina wê di aliyê siyasî.
