msdSeroka Meclisa Rêveber a Meclisa Sûriyeya Demokratîk Îlham Ehmed bi boneya çaremîn salvegera destpêkirina êrîşên dewleta Tirk ên li ser herêma Efrînê ya bakurê rojavayê Sûriyeyê, pêşwazî li şandeke koçberên herêma Efrînê kir.
Ehmed ji şanda koçberên Efrînê re tekezî li ser giringiya pirsa Efrînê û rizgarkirina wê kir, ku ev yek, yek ji mijarên sereke ye ku Meclisa Sûriyeya Demokratîk ji bo wê kar dike, ligel navçeyên din ên Sûriyê yên ji aliyê Tirkiyê ve. li bakurê Sûriyê û dabînkirina vegereke ewle û bi rûmet ji bo awareyên ji wê.
Di 20ê Çileya îsal de, çaremîn salvegera êrîş û dagîrkirina Tirkiyê li ser herêma ewle ya Efrînê derbas dibe, ku pêkanîna binpêkirinên herî mezin û destdirêjiya komên çete û tundrew ên ku tawanên şer û tawanên li dijî mirovahiyê dikin, li gorî raporên komîteyên mafên mirovan.
MSD’ê careke din dubare bêdengiya navdewletî li hember bûyerên li Efrînê diqewimin, şermezark kir û xwest ku ji bo bidawîkirina dagirkeriya Tirkiyê û derxistina hemû komên girêdayî wê ji herêma Efrînê û herêmên din ên Sûriyê yên di bin dagirkeriya Tirkiyê de, kar bê kirin.
Beşdaran rêyên alîkarîkirina awareyên Efrînê li deverên Şehba û karkirina ji bo gihandina alîkariyên mirovî yên bilez ji wan re gotûbêj kirin, û bang li saziyên pêwendîdar ên Neteweyên Yekbûyî kirin ku berpirsyariya xwe di warê muamelekirina awareyên Efrînê de li gorî yasayên Netewên Yekgirtî werbigirin.
Her wiha di civînê de rê û îmkanên vegera xelkê Efrînê û bikaranîna hemû derfetan ji bo dabînkirina vegera aram ji bo xelkê xwecihî yên Efrînê û rakirina hemû diyardeyên guhertina demografîk û paqijkirina etnîkî li Efrînê hatin gotûbêjkirin.
Di civînê de li ser asta niştimanî hate dîtin ku pirsa Efrînê pirseke niştimanî ye û divê hemû gelê Sûriyê yek bin ji bo bidawîkirina dagirkeriya Tirkiyê li ser Efrînê û hemû herêmên Sûriyê yên dagîrkirî, û kar ji bo şikandina hevsengiyên navdewletî yên ku xizmeta berdewamiya dagirkeriya Tirkiyê ya li herêmên Sûriyê dike.
Di dawiya civînê de, beşdaran tekezî li ser wê yekê kirin ku pêwîste dawî li tawanên şer û tawanên dijî mirovatiyê yên li herêma Efrînê were kirin, tawanbar bên dadgehkirin û Tirkiyê li gorî yasayên navdewletî weke hêzeke dagîrker, berpirsiyar be.
