msdNûnerê Meclisa Sûriya Demokratîk li Komara Misrê ya Erebî, “Sîhanok Dîbo”, nameyek pîrozbahiyê ji wezareta karên derve ya Misrê re şand, tê de pîrozbahî li wan kir bi salvegera heftemîn a “Şoreşa 30’ê Hizêranê”,ya ku dikarîbû hevsengiya siyasî ya niştîmanî û herêmî ya Misrê li riya wê ya rast û xwezayî vegerîne.
Nûnerê MSD’ê li Misrê bi vê boneyê, hem hikûmet û hem jî gelê Misrê pîroz kir, herwiha tekez kir li ser rola girîng ya Dewleta Misrê ji bo bidestxistina aramî û hevsengiyê li Rojhilata Navîn û herêma Bakurê Efrîka yê.
” Dîbo ” ji wezîrê karên derve yê Misrê re piştrast kir ku hewildanên Rêveberiya Xweser ya Bakur û Rojhilatê Sûriyê û qurbaniyên mezin yên hatine dayîn ji aliyê Hêzên Sûriyeya Demokratîk ve, hemî di heman rêyê de ne, û bihevre navendên herî girîng in ji bo berevaniya li dijî dagirkeriya Tirkiyê û ji bo têkbirina Osmaniya nû ya xwedan pilanên berfireh û êrişkarî yên ne rewa.
Herwiha Banga piştgirî û hevbendiya hemî gelên di bin bandora êrişên destewrdana Tirkiya Erdoganî, ji bo jinavbirina ewlehî û aramiya navçeyê.
