msdMeclîsa Sûriyeya Demokratîk bi boneya heftemîn salvegera damezrandina Rêveberiya Xweser pîrozbahiyên xwe yên germ li gelê me yê li tevahî Sûriyê, bi taybetî li Bakur û Rojhilatê welêt, dike. Vê ezmûnê vîna hemû pêkhateyan ji bo birêvebirina karûbarên xwe û avakirina nimûneyek demokratîk a berfireh ku xwestekên Sûriyan ji bo azadî, rûmet û aramiyê nîşan dide, xurt kiriye
Ezmûna Rêveberiya Xweser bi înîsiyatîfek hevbeş ji hêla hemû pêkhateyên herêmê ve, di nav de Kurd, Ereb, Suryanî, Asûrî, Ermenî, Tirkmen, Çerkez û pêkhateyên din ên etnîkî û olî, hate destpêkirin. Va gava dîrokî vîna jiyîna hevbeş û parastina cihêrengiyê rave kir. Ev înîsiyatîf wekî bersivek siyasî û civakî ji bo aloziyên serdema heyî û ji bo dagirtina valahiya heyî bi rêya damezrandina pergalek rêveberiya navxweyî ku vîna gel nîşan dide û xwestekên wan diyar dike, hat.
Piştî ku law û keçên Bakur û Rojhilatê Sûriyê di rûbirûbûna rêxistinên terorîst de, bi taybetî jî DAIŞê, berdêlên giran dan, Rêveberiya Xweser wekî çareserî ya sazîbûnê derket holê ku şiyana xwe ya parastina civakê, rêxistinkirina karûbarên wê û xurtkirina prensîbên demokrasî, beşdarbûn û wekheviya zayendî nîşan da. Ku li Sûriyê bûye modelek bêhempa, ku dikare di her çareseriyek neteweyî ya berfireh de were avakirin.
Di nav heft salan de, Rêveberiya Xweser di warê bicih anîna aramiyê, avakirina saziyên sivîl, xizmetgozarî, dadwerî û rêveberiyê de, her wiha misogerkirina beşdariya berfireh a jin û ciwanan di navendên biryardayinê de destkeftiyên berbiçav bi dest xistine. Li gel hewldanên xwe yên ji bo şerê li dijî terorîzmê û rûbirûbûna tundrewiyê kiriye û ew kiriye stûnek bingehîn di şerê parastina Sûriyê, ewlehî û pêşeroja wê de.
Meclîsa Sûriyeya Demokratîk, di bîranîna vê salvegerê de, pabendbûna xwe ya bi rijd di berdewamiya têkoşîna ji bo çareseriyek siyasî ya Sûrî-Sûrî ya berfireh li ser bingeha demokratîk û nenavendîbûnê, misogerkirina wekhevî û dadmendiya di nava hemî welatiyan de, piştrast dike. Di vê çarçoveyê de, ew bang li hemî hêzên neteweyî yên Sûriyê dike ku hêzên xwe bikin yek û diyalogek cidî bikin, da ku Sûriyeyek nû, piralî, demokratîk, ewle û dadmend ava bikin.
5ê Îlona 2025an
Meclîsa Sûriyeya Demokratîk
