msdÎro yekşemê, partiyên siyasî yên ku li Reqayê tevdigerin hevxemiya xwe û piştgiriya xwe ji bo sivîlên navçeya Cindirêsê ya herêma Efrînê û yên li herêma Efrînê nîşan dan, li ser tiştê ku rastî wê hatin di şeva 20’ê Adarê ya ku bi navê Newrozê tê binavkirin, piştî ku wan agirê wê dadan.
Ev yek di mangirtinekê de hat ji aliyê hevrêziya partiyên siyasî li Reqayê tê de çalakvan û şêniyên Reqa û gundewarê wê beşdarî wê bûn û daxuyaniya dawî xwend.
Daxuyaniyê di destpêkê de bal kişand ser 5 salên dagirkirina Efrînê ji aliyê komên çete yên ser bi Tirkiyê ve, êş û koçberbûna gelê wê, sûcên dewleta Tirk û çeteyên wê yên li dijî gel, dar û keviran.
Di daxuyaniyê de tekezî li ser pirosesa guhertina demografiya sîstematîk li wê herêmê hat kirin û tawan û binpêkirinên dagirkeran hatin eşkerekirin û di daxuyaniyê de hat gotin: “Agirê biçûk a Newrozê hemû maskeyên xwe avêtin, tevî ragihandina Komeleya Giştî ya Neteweyên Yekbûyî di sala 2010an de roja Newrozê cejneke navneteweyî ye, ku parastina nirxên aştî û toleransê ye.
Di daxuyaniyê de dewleta Tirk û hevalbendên wê ji vê sûcê berpirsyar in û wiha hat gotin: “Tirkiye weke welatekî dagirker û Koalîsyon jî weke palpişta siyasî ya dagirkeriyê, ji vî sûcî û karesatên din ên li wan herêman rû didin, berpirsyar in. “
Daxuyaniyê bang li civaka navneteweyî û Konseya Ewlekariyê hat kirin ku ji bo bidawîkirina dagirkeriya dewleta Tirk li Efrîn, Girê Spî, Serêkaniyê û tevahî Bakurê Sûriyeyê û koçberan bi lez bikevin nava liv û tevgerê.”
Di dawiya daxuyaniyê de bang li hemû pêkhateyên Sûriyê hat kirin ku ji bo bidawîkirina dagirkeriya dewleta Tirk li ser xaka Sûriyê, li pişt serhildana gelê Efrînê rawestin û piştgiriya daxwazên wan ên rewa û vegera koçberan bikin.
