msdMeclisa Sûriya Demokratîk û Partiya Komûnîst a Sûriyê ya Yekgirtî Nêrînên li ser çareseriya siyasî ya Sûriyê, pêwîstiyên wê, avahî û şeklê dewletê di pêşerojê de, ji bilî dosyayên berjewendiya hevbeş, li baregeha Meclisê li bajarê Hesekê li bakurê Sûriyê gotûbêj kirin.
Şandeya partiyê pêk dihat ji endamê buroya siyasî û sekreterê komîteya herêmî li Cezîrê Melûl El- Hisên û endamên Komîteya Navendî ya Partiyê Mihemed Xelîl Remedan û Rexib Hac ji aliyê endamên desteya rêveber a Meclisa Sûriya Demokratîk Hesen Mihemed Elî û Sabit El-Cewher û endamekî Ofîsa Pêwendiyan Ezher Ehmed û Rêveberê Nivîsgeha Rêkxistinê Ezîz Silêman ve hatin pêşwazî kirin.
Civîn li ser pêwîstiya tevgereke hevbeş a Sûriyê, piştgirîkirina diyalogên niştimanî û berfirehkirina wan ji bo pêkhateyên berfireh bû, û beşên hêzên niştimanî yên Sûriyê ji bo rûbirûbûna kêşeyên dahatû bigihin lihevkirinekê.
Wêneya rast a hewl û projeya Meclisê ji bo Sûriyeya paşerojê û modela wê ya heyî li herêmên Bakur û Rojhilatê Sûriyê, ku bi kampanyayên propagandayê re rû bi rû ye, bi mebesta berevajîkirin û ronîkirina qalibekî berevajî rastiyê. Partî yek ji partiyên hevbendiya “Eniya Niştimanî ya Pêşverû” tê dîtin.
Piştî civînê Hesen Mihemed Elî (Desteya Rêveber a Meclisa Sûriyeya Demokratîk) diyar kir ku ev civîn di çarçoveya vebûna Encûmenê de pêk tên. Hevdîtina hêz û pêkhateyên Sûriyê ji bo gotûbêjkirina kêşe û metirsiyên li pêşiya wan, welat ber bi çareseriyeke siyasî ve li gor biryarên navdewletî ve diçe.
Mihemed Elî amaje kir ku pêwîst e hêzên niştimanî li ser çarçoweya giştî lihev bikin û gotûbêjan bi hûrgilî veguhêzin paşerojê.
Ji aliyê xwe ve endamê buroya siyasî ya Partiya Komûnîst a Sûriyê ya yekbûyî Melûl El-Hisên, Sekreterê Komîteya Herêmî li Cezîre ji bo ku kêfxweşiya xwe ya ji pêvajoya hevdîtinê agahdar bike, wiha got: “Me di hevdîtinê de dît ku her kesî amadebûna xwe ji bo pêkvejiyan û danûstandina niştimanî ya Sûrî-Sûrî ji bo çareserkirina vê êş û aşitiyê ragihand.”
El-Hisên geşbîniya xwe anî ziman û tekez kir: “Em ê vê diyalogê ji bo diyalogên din bidomînin û dibe ku em bi hêzên din re berfirehtir bibin ji bo bilezkirina çareseriyê ji êş û azarên gelê Sûriyê, bidawîkirina kirîza Sûriyê û çareserkirina pirsgirêkên heyî.”
