msdLi bajarê Dêrikê, li bakurê rojhilatê Sûriyê, bi amadebûna komek rewşenbîr û nûnerên partiyên siyasî û çalakiyên civakî, Meclisa Sûriya Demokratîk îro, Pêncşemê, encamên civîna sêalî gotûbêj kirin, pêvajoya çareseriya siyasî li Sûriyê û encamên wê li ser aramiya herêmê û
çareseriyên berdewam.
Hevserokê Nivîsîngeha Têkiliyên Meclisa Sûriya Demokratîk Hesen Mihemed Elî behsa guhertinên navdewletî, şerê hêzên cîhanî li ser hegemonyayê, şerên berdewam û perspektîvên paşerojê kir li ber çavê polarbûneke tund û nebûna ti aliyekî, ji bo çareseriyên bi bandor.
Mihemed Elî amaje bi rêkeftina sêalî kir ku di dawiya sala borî de li Moskoyê pêk hat û Tirkiyê careke din li ser armancên xwe yên berfirehtir li navçeyê li ser hesabê berjewendiyên gelên herêmê û şoreşên wan tekez kir.
Hevseroka Nivîsgeha Têkiliyan bal kişand ser giraniya van lihevkirinan li ser çareseriyên niştimanî li Sûriyê, ji ber ku ew lihevkirinek e ji bo bêparkirina mafê xelkê ji bo bicihanîna daxwazên wan ji bo dewleteke demokratîk a piralî ku cihêrengiyan tê de cih bigire û rêzê li cudahiyê bigire.
Mihemed Elî her wiha got, “Rêkeftina sêalî” bi tenê zirarê nade Sûriyê, belku armanca Tirkiyê ji Sûriyê derbas dibe ku gefê li tevahiya navçeyê bike, bi taybetî ewlehiya neteweyî ya ereban, ji ber ku Tirkiyê li dû berfirehkirin û bandora zêdetir e û berpirsên Tirkiyê jî ragihandine, Tevlihevkirina bajar û bajarokên Sûrî û Ereban di çarçoveya pirojeyeke netewî ya Tirkiyê de Metirsîdar e.
Serkirdeyê Meclisa Sûriya Demokratîk, ronî avêt ser nêrîna Meclisê û riya ku wê bi rê ve dibe bi grûpeke berfireh ji hêzên opozisyona Sûriya demoqratîk ji bo bidestxistina pirojeya niştimanî ya xwestî ji bo Sûriyeya paşerojê ku li gor biryara navdewletî 2254 e.
Mihemed Elî tekezî li ser pêwîstiya bihêzkirina eniya navxweyî û hevgirtina niştimanî kir ji bo rûbirûbûna kêşeyan û berjewendiyên dahatû.
Amadebûyan, rewşenbîr û siyasetmedar, komcivîn bi bîr û têzên xwe dewlemend kirin, tê de bal kişandin ser metirsiya lihevhatinên alî yên ku xêrê ji welat re naxwazin li ser hesabê çareseriyên niştimanî yên ku îrade û daxwazên Sûriyan temsîl dikin.
Beşdaran bal kişandin ser pêwîstiya pêşxistina projeya rêveberiya heyî li herêmên Bakur û Rojhilatê Sûriyê û piştgirîkirina diyalogê herêmî ji bo bidestxistina beşdariyeke berfireh.
