msdJi bo parastina aştiya sivîl û xurtkirina hevgirtina niştimanî di nav civaka Sûriyê de, duh Yekşemê, Buroya Têkiliyên Meclisa Sûriyeya Demokratîk bi Encûmena Aştiya Sivîl re li navenda Meclisa Sûriyeya Demokratîk li bajarê Hesekê civînek li dar xist.
Gotûbêj hatin kirin li ser pêwîstiya xurtkirina têkilî û hevkariyê ji bo derbaskirina qeyranan, rûbirûbûna kêşeyên navxweyî û derve û pêkanîna peywendiya di navbera rêveberî û civakê de li ser esasê rêzgirtin, parastina rûmetê, dabînkirina aştiya sivîl û herkesî bi erkê xwe ranegirt, li gorî cidiyeta qonaxê.
Û li gorî plana Nivîsgeha Têkiliyan a Meclisa Sûriya Demokratîk ji bo xurtkirina peywendiyan bi hemû pêkhateyên civakê re, bi taybet bi wan pêkhateyên bibandor re, nivîsgehê çendîn civîn bi şêxên eşîrên ereb û kurd re li bajarê Hesekê û gundewarê wê li dar xist, ji bo xurtkirina eniya hindirîn.
Di van civînan de mijarên çarenûsî yên navxweyî, metirsiyên derve û pêwîstiya beşdariya hemû pêkhate û hêzên civakê ji bo parastina destkeftiyên Rêveberiya Xweser û pirojeya wê ya niştimanî hatin gotûbêjkirin, weke hevserokê Nivîsgeha Têkiliyan Hesen Mihemed Elî di Meclisa Sûriyeya Demokratîk de tekezî li ser girîngiya êlan û pêwîstiya rola wan di aramiya herêmê û hevgirtina niştimanî de kir.
