msdÎro Meclisa Sûriya Demokratîk Navenda Helebê komcivîneke diyalogê bi sernavê “Êrîşên Tirkiyê û bandora wê li ser alozî û çareseriya Sûriyê” li salona civînên Meclisa Sûriya Demokratîk lidar xist.
Di komcivînê de nûnerên partiyên siyasî û nûnerên saziyên civaka sivîl û xebatên jinan ên li taxa Şêx Meqsûd a bajarê Helebê pêk hat. Rêvebera Navenda Helebê Cîhan Mihemed li ser rewşa siyasî ya herêmê, êrîşên dewleta Tirk û pêwîstiya rûbirûbûna wan axivî.
Wê got: ku ji destpêka aloziya Sûriyê ve, dewleta Tirk a dagirker hewl dide ku armancên xwe yên berfirehtir pêk bîne û projeya Osmaniyan bi cih bîne, bi mebesta rêgirtin li avakirina navokek ji bo çareseriya siyasî ya niştimanî ya Sûriyê bi rêya dagirkeriyê û rêyên wan ên piştgirîkirinê. komên çekdar û terorîst û hemû rêyên tundûtûjî, kuştin, koçberkirin û guhertina demografîk bi rêya meş û balafirên şer bikar tîne”.
Û wê diyar jî ku hewla Tirkiyê ji bo îstismarkirina nehevsengiya berjewendiyên navdewletî û rewşa kirîza Sûriyê, bidawîkirina projeya demokratîk, jinavbirina îradeya gelê Sûriyê û xurtkirina çerxa kuştin û tundiyê di nava civakê de bi şêwe û rêbazên dubarekirî ye di bin hincet û navên ewlekarî yên xapînok û şaş de, û dirêjkirina temenê qeyranê û ketina nav kûrbûna wê.
“Mihemed” tekezî li ser pêwîstiya pêkhateyeke niştimanî ya Sûriyê ya rasteqîn û demokratîk ku nerîn û hêviyên Sûriyê bi awayekî objektîf û niştimanperwerî bicivîne ji bo yekkirina bingehên dadperwerî, wekhevî û demokrasiyê di çareseriya niştimanî de ku hemû Sûriyan tê de ye, tekez kir.
Paşê gotûbêj ji beşdaran re hat vekirin, û tê de gotûbêjên giştî li ser tezên bibandor û konkrêt geriyan ji bo nehiştina ramanên xapînok û dûrketinên rêjîma Tirkiyê, û piştgirîkirina nêrîn û prensîbên niştimanî yên Sûriyê ji bo pirojeya demoqratîk bi piştgiriya ragihandinê ji bo eşkerekirina û ronîkirina koka projeya Osmaniyan a ku rejîma Tirk bi sepandina peymana Mîllî û amûr û kiryarên wê yên siyasî li herêmê dike.
Her wiha amadebûyan li ser îmkana derbaskirina astengî û kêşeyên li pêşiya pêkhatina diyaloga nav Sûriyê di bin banê pirensîpên niştimanî û berçavên siyasî, aborî û civakî de ku Meclisa Sûriya Demokratîk pê bang dike, gotûbêj kirin.
