msdBi serpereştiya Meclisa Sûriya Demokratîk û bi hemahengî ligel Tevgera Çand û Hunerê (Komîna Resmê), îro pêşangeheke hunerî ya plastîk li taxa Şêxmeqsûd li bajarê Helebê bi duruşmeya (Qêrîna Sûriyê – Efrîn bang li me dike) hate lidarxistin.
Di merasîma vekirina pêşangehê de partiyên siyasî, saziyên civaka sivîl, çalakiyên jinan û kesayetên serbixwe yên hundirê Sûriyê beşdar bûn. Çalakiya pêşangehê bi axaftina hevseroka Meclisa Sûriya Demokratîk Emîna Omer dest pê kir û di destpêkê de spasiya hemû kesên beşdar di amadekirina pêşangeha hunerî de kir ku trajediya koçberiyê, hêvî û israra li ser veger û berxwedanê tîne ziman.
Wê amaje bi wê yekê kir ku Efrîn beriya 4 salan bi komployeke navdewletî hat dagîrkirin û heta niha jî mafên mirovan bi hemû şêweyan binpê dike, di nav de kuştin, wêrankirin, sabotaj û guhertina demografîk û ev plana mezin heta niha jî berdewam e.
Û wê got jî, “Efrîn hîn jî êşa van binpêkirin û komployên navdewletî dikişîne, û civaka navdewletî bêdeng e û tenê dibîne û radiweste û ti helwestek li ser şermezarkirina van kiryaran, van binpêkirinan û guhertina demografî ya ku li van deveran çêdibe nîne. ji bilî siyaseta tirkkirina wan deveran.”
Wê amaje bi wê yekê jî kir ku Meclisa Sûriya Demokratîk piştgiriya bûyerên bi vî rengî dike ku trajediya rasteqîne ya derbideran, çi li Efrînê, çi li her devereke din ji Sûriyê, û em ji wan daxwaz dikin ku berdewam bin li ser redkirina xwe li hember vê bêdengiya navdewletî.
Wê di dawiya axaftina xwe de wiha got: “Em di Meclisa Sûriyeya Demokratîk de her tim tekezî li ser çareseriya siyasî ya Sûriyê ji vê krîzê re li gorî biryarên navdewletî dikin, ku dawî li hemû diyardeyên dagirkeriyê tîne û hemû koçberên bi ewle vedigerin herêmên xwe. “
Û di rola xwe ya îdarî de di komîna resmê “Sabah Elî” de, wê destnîşan kir ku armanca lidarxistina vê pêşangehê li bajarê Helebê ronîkirina mijara Efrînê ya dagîrkirî û binpêkirinên dewleta Tirk a dagirker e.
Pêşangeh ji aliyê zarokên şehîdan ve hat vekirin û 40 wênesazên jin û mêr ên ji temenên cuda beşdarî pêşangehê bûn û di pêşangehê de 102 tabloyên ku komkujî û êrîşên dewleta Tirk a dagirker û çeteyên wê yên li ser gelê Efrînê vedihewîne cih girt. û tawanên ku kirine, ji wan bêedaletî, kuştin û koçberkirina bi darê zorê, ji bilî êş û azarên xelkê Efrînê di koçberkirina kampan de.
Ev pêşangeh jî ya duyem e ji curê xwe, ji ber ku tabloyên vê pêşangehê li Şehba hatin pêşandan, û îro jî li bajarê Helebê hate pêşandan, û pêşangeh dê du rojan li pey hev berdewam bike.
