msdMeclisa Sûriya Demokratîk (MSD) duh Çarşemê li Baxçeyê Xwendinê li bajarê Hesekê li bakurê rojhilat, civîneke diyalogê bi hevkariya Partiya Kesk a Demokratîk bi sernavê “Nenavendiyê û rola jinê di siyasetê de” lidar xist.
Di xeleka yekem a sempozyûmê de, derbarê nenavendîbûnê de, endama Buroya Jin a MSD`ê Rîhab Cûc, bal kişand ser dîroka peydabûna nenavendîbûnê û girîngiya wê ji bo çareserkirina aloziya Sûriyê. Cûc herwiha avantajên nenavendîbûnê pêşkêş kir, û cudahiya di navbera navendîbûn û nenavendîbûnê de, rewşa niha li Sûriyê û asta ku Sûriyê di avakirina paşeroja xwe de pêwîstiya wê bi nenavendîbûnê heye, û ku Encûmena Sûriyeya Demokratîk hewil dide bigihêje Sûriyeke nenavendî, demokratîk û piralî.
Di vê navberê de, Berpirsa Têkiliyên Partiya Kesk Şêrîn Abbas axivî û bal kişand ser rola siyasî ya jinan li Rojhilata Navîn bi giştî û li ser rola girîng a jinan li Bakur û Rojhilatê Sûriyeyê axivî.
Abbas rûbirûbûna jinan a li hemberî hemû astengiyên ku pê re rû bi rû mane nirxand û destnîşan kir ku jina Kurd di hemû qadan de aktîf bû ku ji jinên Ereb bandor bibe.
Abbas di dawiya xala xwe ya duyemîn de jî tekez kir ku pêwîste destkeftiyên şoreşa jinan li Bakur û Rojhilatê Sûriyê were parastin û bibe mînak li Sûriyê û cîhanê.
