msdÎro Înê li bajarê Qamişlo; gelek hêz, aktor û kesayetiyên Sûriyê li ser giringiya çareseriya siyasî ji kirîza Sûriyê re û gotûbêjkirina têgehên nasnameyeke niştimanî ya berfireh û nenavendîbûnê, li hev civiyan.
Di heman demê de, şandeke Meclisa Sûriya Demoqratîk bi zêdetirî şêst kesayetî, nûnerên partî û aliyên siyasî ji navçeyên cihê û yên siyasî yên Sûriyê beşdar bûn.
Ji bo vê forumê, Komîteya Amadekar a Konferansa Hêz û Kesayetiyên Demokratîk, ku ji civînên şêwirmendiyê yên li Stockholmê li paytexta Swêdê, dawiya sala borî derketibû, banga vê hevdîtinê kiribû.
Di destpêka hevdîtinê de Komîteya Amadekar axaftinek kir û tê de behsa xebatên xwe yên ji bo lidarxistina civînên bi vî rengî li hundir û derveyî welat kir.
Endama Komîteya Amadekar Canda Mihemed got, “Tişta ku em îro pêşkêş dikin, destpêşxeriyek ji bo yekkirina nêrîn û helwestên niştimanî yên Sûriyê ye.”
Û wê got jî ku ev hewldan ne encama vê gavê ne, belku encama kombûna du salan ji gelek civînên şêwirdariyê bi hêzên cuda cuda re, kesayetiyên niştimanî yên demokratîk ên Sûriyê yên xwedî paşerojên siyasî, serbixwe û akademîk, û hêzên cuda yên civaka sivîl li hundir û li derveyî Sûriyê.
Mihemed amaje bi wê yekê kir ku çareseriya aloziya Sûriyê ku yanzdeh sal li pey xwe hiştiye, bêyî ku ti çareserî li ber çavan bê girtin, di diyaloga Sûrî-Sûrî re derbas dibe.
Biryare ev hevdîtin du rojan berdewam bike û tê de têgehên nasnameya niştimanî ya berfereh, û nenavendîkirin weke sîstemeke rêvebirina Sûriya paşerojê tê nîqaşkirin.
Komîteya Amadekar a ku piştî rêze forum û atolyeyên diyalogê li hundir û derveyî welat derket holê; di dirêjahiya du salan de, sê civînên şêwirmendiyê li paytexta Swêdê, Stockholmê, ligel hevdîtina yekem li hundir li bajarê Helebê, ku di Tebaxa borî de hat lidarxistin, û ya duyem jî li bajarê Reqayê di destpêka vê mehê de, hatibû lidarxistin.
Add comment