msdÎro Çarşemê 7’ê Êlûnê, Nivîsgeha Pêwendiyên Meclisa Sûriya Demokratîk li navenda bajarê Helebê, semînarek li taxa Şêx Meqsûd ji bo gotûbêjkirina dosya nêzîkbûna hikûmeta Sûriyê û hikûmeta Tirkiyê, bi amadebûna komek rewşenbîr û nûnerên yên partiyên siyasî lidar xist.
Di xala sereke ya sempozyûmê de, endamê Nivîsgeha Têkiliyên Meclisa Sûriya Demokratîk Ehmed El-Lebban li ser nêzîkbûna di navbera hikûmeta Tirkiyê û Sûriyê de axivî û amaje bi wê yekê kir ku ev destpêşxerî asta tevliheviya Tirkiyê di nav de, siyasetên wê, û hemû stratejiyên wê li Sûriyê têk çûne.
Ehmed amaje bi wê yekê jî kir ku “Tirkiyê bi awayekî eşkere Opozîsyona Sûriyê firot û li ser bingeha veberhênanên opozîsyonê bi wê re mijûl bû û herwiha dosyaya penaberên Sûriyê ji bo berjewendiyên xwe bi kar tîne.”
Di berdewamiya axaftina xwe de ev tişt anî ziman: “Tiştê ku projeya Rêveberiya Xweser li Bakur û Rojhilatê Sûriyê di fikir, rêbaz û rêxistinê de şekil da, bandoreke mezin li yekkirin û demokratîkbûna civaka Sûriyê li wan deveran û vebûna wê ji têgehên piralî, beşdarbûn û ne dûrxistinê ya din.”
Û wî got jî ku baştirîn çareserî ji bo ewlekirina Sûriyê diyaloga Sûrî-Sûrî ye bi rêya yekkirina Opozisyona Niştimaniya Demokratîk a Sûriyê, di civînên Meclisa Sûriya Demokratîk li hundir û derve bi hêzên opozîsyona niştimanî re.
Di vê çarçoveyê de amadebûyan bi tevlîbûnên xwe li ser asta cidiyeta nêzîkbûnê, sedemên wê, encamên vê nêzîkbûnê li ser herêmê û îmkanên berdest gotûbêj kirin û tekezî li ser giringiya parastina şêwaz û bingeha çareseriya demokratîk ya projeya li herêmê kirin.
Herwiha beşdaran di dema tevlîbûnên xwe de diyar kirin ku Tirkiye ji çareseriya Sûriye-Sûrî ditirse, ji ber ku ev nêzikbûn heke pergala navendî ji nû ve were hilberandin û tekez kirin ku nenavendî, demokrasî û diyalog deriyên çareseriya li Sûriyê ne.
