msdJi destpêka bihara sala 2018an ve, piştî ku Dewleta Turk dagirkerî û kontrola xwe li ser herêma Efrînê sepand, berdewam hewl daye herêmê bike turkî, nasnameya wê biguherîne û li gorî berjewendîyên xwe heremê ji nû ve saz bike.
Di demên dawî de, dagirkeriya Turk ala welatê xwe (ala Turkiyê) li ser qeraxa Çiyayê Darmiq, ku li bajarokê Bulbul ê gundewarê Efrînê ye, vegirt û li gorî ku medyayên Turkî ragihandine rûberê devera alayê gihîştiye 600 metre çargoşe.
Serokê şaredariyeke Turkiyê, li ser hesabê xwe yê Twîtterê ragihand, ku leşkerên Tirk ji wî xwestine ku alikariya wan ji bo sazkirina alaya Turkiyê bike li ser xala 600 metre çargoşe li qiraxa çiyayê herî mezin li herêma Efrînê.
Rayedar û Karbidestê Turk hêvî kir ku alaya Turkî her dem li wî cihî bimîne, û got “ala ku carekê tê bilind kirin wê careke din danekeve”, ev yek jî nîşaneya domandina dagirkeriya Turkî li ser axa herêma Efrîna Sûrî ye .
Roj bi roj, niyet û mebestên berfirehker û dagirker ên dewleta Tirk li Bakurê Sûrî diyar dibin, ku makîneya zordestiya Turkiyê ne tenê ji bo dagîrkeriya axê ye, lê hegemoniya turkî tê de dest dirêjî pirtûkên dibistan kir, herwiha nîşaneyên li ser riya, sazî û dezgehên giştî yên ku bûne bi zimanê turkî, li kêlek guhertina demografî û jinavbirina etnîkî ya sîstematîkî jî heye .
Ragihandina Meclisa Sûriya Demokratîk
12’ê Avrêlê, 2020
