msdHevdîtina diyaloga jinan ku roja şemiyê bi sernavê “Jin û veguhertina demokratîk li Sûriyê” hat lidarxistin, li ser vexwendina Yekîtiya Rewşenbîran û bi sponseriya Meclisa Sûriya Demokratîk û bi beşdariya zêdetirî 60 kesayetiyên jin bi dawî bû ji herêmên cuda yên Sûriyê li Reqayê.
Di civînê de du xalên sereke hatin gotûbêjkirin, yekkirina nasnameya niştimanî ya Sûriyê û rola jinan di proseya veguhestina demokratîk ber bi nemerkezîbûnê ve, di encama gotûbêjan de, jinên beşdar li ser komek pêşniyar û encamên ku weke Ji aliyê Komîteya Amadekar ve hatin xwendin ev in:
– Girîngiya pênasekirina nasnameya neteweyî ya berfireh ku piralîbûna civakî û çandî nîşan dide, yekitiya neteweyî diparêze û li ser bingehên edalet, azadî û mafên hemwelatîbûna wekhev tê damezrandin.
–
– Pêwîstiya beşdariya jinan di proseya siyasî de û nivîsandina destûreke nû ya Sûriyê ku mafên wan garantî bike û rola wê di civakê de aktîv bike.
Desthilatdariya siyasî ya jinan dergehek e ji jinan re ji bo tiştên ku Sûriyê pêdiviya wan bi lihevkirina li ser mijarên nasnameya neteweyî û sîstema rêveberiya baş ji bo Sûriyê ji bo bidestxistina dewleteke piralî û nenavendî heye.
– Tekezî li ser wê yekê ku nenavendî aramiya sivîl pêş dixe û bawerî û beşdariya civakê di nav pêkhateyên Sûriyê de ava dike.
– Zêdekirina civînên jinan li hundir û derveyê Sûriyê di çarçoveya yekkirina xebatan de ji bo piştgirîkirina pirsgirêkên jinan û pirsgirêkên civakê.
– Pêwîstiya jinan bi beşdariya di civînên navdewletî û proseyên avakirina aştî û ewlehiyê de û rola wê di hevgirtina civakê de.
– Pejirandina nenavendiyê weke sîstemeke rêveberî û weke xala derbasbûna çareseriyê li Sûriyê, dibe ku ezmûna Rêveberiya Xweser bi dest bixin û ji bo Sûriyeya paşerojê pêşbixin.
